పోరుమామిళ్ల: పట్టణంలో శ్రీ పట్టాభిరామచంద్ర స్వామి విగ్రహ ప్రతిష్ఠ మహోత్సవాన్ని భక్తిశ్రద్ధలతో ఘనంగా నిర్వహించారు. కార్యక్రమానికి ప్రముఖ సినీ నిర్మాత దిల్‌రాజు సతీసమేతంగా, యువ కథానాయకుడు వంశీకృష్ణ హాజరయ్యారు. వారికి వైఎస్సార్ సర్కిల్‌ నుంచి ఆలయం వరకు మంగళ వాయిద్యాలతో ఘన స్వాగతం పలికారు.
ఆలయానికి చేరుకున్న అతిథులకు వేద పండితులు పూర్ణకుంభ స్వాగతం పలికి ప్రత్యేక పూజలు నిర్వహించారు. ఈ సందర్భంగా దిల్‌రాజు మాట్లాడుతూ పోరుమామిళ్లకు రావడం ఎంతో ఆనందంగా ఉందని, పాత జ్ఞాపకాలు గుర్తుకొస్తున్నాయని తెలిపారు. కార్యక్రమంలో ఆలయ వ్యవస్థాపకులు జడపోలు శ్రీరామ్ కుటుంబ సభ్యులు, నిర్వాహకులు, భక్తులు, స్థానిక ప్రముఖులు, అభిమానులు పెద్ద సంఖ్యలో పాల్గొన్నారు.
Was this article useful?
