ప్రొద్దుటూరు: మాజీ ఎమ్మెల్యే రాచమల్లు శివప్రసాద్‌రెడ్డిపై జబీవుల్లా చేసిన విమర్శల్లో వాస్తవం లేదని మాజీ మున్సిపల్ వైస్‌చైర్మన్ సి.ఎస్. ఖాజామోహిద్దీన్ అన్నారు. గురువారం దొరసానిపల్లెలో రాచమల్లు నివాసంలో ఏర్పాటు చేసిన విలేకరుల సమావేశంలో ఆయన మాట్లాడారు. కూరగాయల మార్కెట్‌ను అభివృద్ధి చేసి వ్యాపారులకు సౌకర్యాలు కల్పించడాన్ని తప్పుపట్టడం సరికాదన్నారు. రాచమల్లు హయాంలో మైనారిటీల అభివృద్ధికి పలు కార్యక్రమాలు చేపట్టారని తెలిపారు. గతంలో చోటుచేసుకున్న విభేదాలు పరిష్కారమయ్యాయని పేర్కొంటూ, పూర్తి వివరాలు తెలుసుకోకుండా ఆరోపణలు చేయవద్దని సూచించారు. సమావేశంలో వైసీపీ నాయకులు మాబుస్సేన్, టప్పా గైబూసా పాల్గొన్నారు.
Was this article useful?
