పులివెందుల, ఆగస్టు 25: జాతీయ నేత్రదాన పక్షోత్సవాల సందర్భంగా స్నేహిత అమృత హస్తం సేవాసమితి ఆధ్వర్యంలో నేత్రదాన అవగాహన కార్యక్రమం నిర్వహించారు. కడప ఎంపీ వైఎస్ అవినాష్ రెడ్డి తన నివాసంలో అవగాహన పోస్టర్లను ఆవిష్కరించి కార్యక్రమాన్ని ప్రారంభించారు.
ఈ సందర్భంగా ఎంపీ మాట్లాడుతూ మరణానంతరం నేత్రదానం చేయడం ద్వారా ఇద్దరు అంధులకు చూపు అందించే అవకాశం ఉందన్నారు. నేత్రదానం గొప్ప మానవతా సేవ అని, ప్రజలు స్వచ్ఛందంగా ముందుకు రావాలని కోరారు. కార్యక్రమంలో మున్సిపల్ ఇన్‌చార్జ్ వైఎస్ మనోహర్ రెడ్డి, సేవాసమితి అధ్యక్షుడు రాజు, సభ్యులు, స్వచ్ఛంద కార్యకర్తలు పాల్గొన్నారు.
Was this article useful?
