ప్రొద్దుటూరు: డ్రగ్స్‌, గంజాయి వంటి మాదక ద్రవ్యాల వినియోగానికి యువత దూరంగా ఉండాలని కోరుతూ ప్రొద్దుటూరు పట్టణంలో పోలీసులు అవగాహన ర్యాలీ నిర్వహించారు. కడప జిల్లా ఎస్పీ ఆదేశాల మేరకు, ప్రొద్దుటూరు సబ్‌డివిజన్ ఏఎస్పీ పర్యవేక్షణలో గాంధీరోడ్డులో ఈ కార్యక్రమం చేపట్టారు. వన్‌టౌన్ సీఐ కొండారెడ్డి, ఎస్సై మధుసూదన్‌రెడ్డి ఆధ్వర్యంలో జరిగిన ర్యాలీలో పోలీసు సిబ్బంది పాల్గొని డ్రగ్స్‌, గంజాయి వల్ల కలిగే అనర్థాలను ప్రజలకు వివరించారు. మాదక ద్రవ్యాలకు యువత బానిస కాకుండా తల్లిదండ్రులు, ప్రజలు అప్రమత్తంగా ఉండాలని సూచించారు. డ్రగ్స్‌, గంజాయి విక్రయాలు లేదా వినియోగంపై సమాచారం ఉంటే పోలీసుల దృష్టికి తీసుకురావాలని కోరారు.
Was this article useful?
